مصرى بسيط
اعرفكم بنفسى ......انا مصرى بسيط
كان كل حلمى .....اعيش سعيد
بس ازاى؟.....و انا مش عارف اعيش
اعيش ازاى....و انا عاطل حزين
حزين على حالى العسير
بعد ما أذاكر وأتعب
يقولوولى واسطتك مين؟
واسطة ايه يا خلق...ده انا جايب تقدير
طب أعمل ايه يا سعادة الوزير؟؟
انا مصرى اصيل ..بكيت زى كل المصريين
على شهداء التحرير ..اللى حرروا فكر ملايين
ملايين محتاجين ..محتاجين اى تغيير
تغيير النظام ..تغيير الحياة
اكيد مش قصدهم بس التغيير
قصدهم الاصلاح كمان بعد التغيير
اصلاح الفساد...و اقتلاع الفاسدين
اقتلاعهم من جذورهم ..عشان ميكونلوهومش عميل
عميل يهدد اى مصرى ...مصرى بسيط
صحيح حصل تغيير ..بس تغيير بوشين
وش جميل و قايم بكل خير
و وش عميل و خاين ليوم الدين
فتنة و سلب و نهب و من دة كتير
قالوا مسلمين هدموا كنيسة حلوان
لكن المصريين قالوا اللى يفرس كل شيطان
احنا عايشين مع بعض من زمان
كلنا أخوة فى الافراح و الأحزان
اللى حصل ده بايد واحد جبان
عاوز يخرب مصر من زمان
عاوز يثبت كلام الفرعون لما قال
لما اتنحى ... الفوضى هتسود المكان
ميعرفش ان شعب مصر مش جبان
مش هيخاف ...ما خلاص اللى حصل حصل و اللى كان كان
مش هيرجع يحبك زى زمان..وانت قتلت شبابنا الشجعان
اللى كل همه مصر ترجع ام الدنيا زى زمان
ام العلم ..ام الصناعة ..ملتقى الاديان
باوجه رسالة لكل جبان
امن الدولة اتكشف و كله هيبان
و لسة الغمة هتزول كمان و كمان
محاكمة العادلى و عز و مغربى و حسنى و سوزان
على قوت شعبنا ..على تعب ولدنا..و على روح مصرنا اللى ضاعت من زمان
بكرة بيضحك لنا..بكرة هنشوف شمس مصرنا
رافعة راسها تقولنا...انتوا الخير لنا... انتوا اللى هتحققوا حلمنا
ليست هناك تعليقات:
إرسال تعليق