أحكيلكم حكاية قلبين
اتولدوا قبل بعض بتلات سنين
عاشوا مع بعض سنين و سنين
أنا و أخويا....متواعدين
على الحب و الوفا متعاهدين
نفضل أصحاب طول السنين
نحكى لبعض هَم السنين
************
لما يرن تليفونى...أخويا
كأنه حبيبى و كل حاجة فى الدنيا
نتكلم فى كل حاجة فى حياتنا
نأخد رأى بعض و نتكلم براحتنا
نخاف على بعض من الدنيا و حركاتها
*************
فى ثانية ...نتخانق
و فى ثانية ..نتصالح
ده صاحبى اللى اتولدت لقيته فى الدنيا
مرايتى اللى بشوف فيها أى سهوة
ده أخويا و حبيبىى و أحلى حاجة فى الدنيا
ليست هناك تعليقات:
إرسال تعليق